今年2月底尾單飛推出新歌的MRROR成員柳應廷(Jer)，繼早前與Dear Jane及陳健安合作後，,再找來林二汶一同錄製《水刑物語》、《最後的信仰》及《無忘花》，兩人輪流唱和，面對二汶的靚聲，Jer以真假音交替接招，雖一度被某些高音難倒，但未見氣餒，反覆試唱，獲二汶讚是可造之材。
Jer獲二汶讚是可造之材。
Jer興奮表示，一直視二汶為學習對象，「無論係at17年代或是做和音，佢把聲係超級靚。我好想令自己把聲有呢個層次。一路以嚟我都有好多學習對象，而二汶就係一個我會對佢聲音鑽研嘅對象。」他又自爆兒時已喜歡鑽研女聲，「以前同家姐合唱時，會不停模仿不同女聲，搞到而家把聲都有少少高音。」二汶感謝Jer的賞識，並笑言也愛鑽研男聲。二汶曾擔任《全民造星2》評判，Jer坦言當時見她跟其他組別合唱已心癢癢，故今次抓緊合作機會，二汶大讚Jer在這數月間進步神速，「《造星2》時佢唔係好想表現自己，但今次發現佢唱歌好多detail，大家可以慢慢去發掘。《水刑物語》我聽過但未唱過，今次夾得好開心。」這次合唱演出，將於今晚起連續3天上載於Mirror、二汶及MOOV的社交平台。
兩人投入合唱。
入App免費拎荷花BB展入場券
