1985年電影賣座冠軍《回到未來》(Back to the Future)，全球票房達3.8億美元(約29.64億港元)，令現年56歲男主角米高霍士(Michael J. Fox)人氣急升。近日有傳患上柏金遜症嘅米高，健康亮起紅燈。
佢喺1991年被確診患上柏金遜症，到咗2000年病徵明顯，由幕前退下，並積極推動柏金遜症治療研究。日前米高入院接受脊髓手術，院方表示佢正康復中。米高發言人透露：「佢手術後恢復情況良好，期待暑假能再前往高爾夫球場打球。」發言人強調米高今次手術，同柏金遜症無關。
入App免費換走健康產品
