曾預言戴安娜之死、911事件以及南亞海嘯的巴西預言家朱瑟里諾於2015年接受有線節目時，曾預言香港中環中心會於2019年5月23日早上9時發生大地震，造成人命傷亡、樓宇倒塌。23日也快將過去，地震未有發生，而當日負責訪問朱瑟里諾的有線藝人李尚正亦大呼「好彩」！
阿正和盧頌恩在內地拍攝節目中。
阿正和盧頌恩現身在內地拍攝「香港開電視」節目，阿正接受電話訪問時笑道：「今朝9點我都好想在中環見證呢個預言會發生或者唔會發生，好可惜我返內地拍節目，不過知道香港無事，我都好開心，順便祝福中環的朋友同其它區的朋友身體健康、出入平安！」
阿正續謂當年聽到朱瑟里諾作出「中環大地震」預言時都感到好震驚，他說：「好難想像中環會發生強烈地震，當時心諗又唔使太擔心，姑勿論預言會唔會發生，大家可以當係討論話題，傾下萬一發生地震時可以點做，當係危機防範囉！」
🎁 amJetso請你睇《焚城》，快Ｄ開APP玩👇 👇
