Eliza當年在《真實謊言》片中被恐怖份子挾持，由老竇阿諾舒華辛力加救援。
曾在電影《真實謊言》(True Lies)飾演阿諾舒華辛力加女兒嘅37歲女星Eliza Dushku近日喺FB透露，12歲拍攝該戲時，被荷李活知名特技統籌Joel Kramer性侵，後來佢朋友向Kramer對質後冇耐，Eliza拍戲時就遇到意外，非常巧合！
Eliza透露拍攝期間，佢父母好信任Kramer。有一日Kramer話帶佢去酒店俾特技人員嘅專屬泳池游泳，又話帶佢去食壽司，最後卻被帶到酒店房間，Kramer當時幾乎裸體由廁所走嚟，喺床上將佢性侵。Eliza多年嚟只將事件告知父母、一個哥哥，仲有兩個朋友。但當該朋友同Kramer對質後，Eliza拍片時巧合地遇到意外。Eliza媽媽亦解釋，當年冇報警係害怕Kramer。而Kramer否認所有指控。
該戲導演James Cameron聞訊後話，自己亦係啱啱先知Eliza嘅經歷，仲未具體了解情況，但佢表示，Eliza好勇敢，「我想現在所有的女性都在說話，這個狀況不僅在荷李活，而是存在整個社會體制中。有些荷李活女工作者可能於10、15、甚至20年前受害，現在成名後挺身而出時，能夠發出更響亮的聲音，我很高興Eliza這樣做」。
入App免費換走健康產品
