去年11月30日凌晨珠妍開著到G-DRAGON家；隨後BIGBANG經理人幫忙移車。
珠妍現身G-DRAGON的濟州島別墅，並由BIGBANG的經理人幫忙搬運行李。
上月中珠妍搭的士抵達金浦機場。
G-DRAGON開住勞斯萊斯前往珠妍居住嘅公寓約會。
G-DRAGON(左)與珠妍被爆上月中一前一後搭機前往濟州島約會。
韓團BIGBANG隊長G-DRAGON(GD)近期被爆同韓國女團After School前成員珠妍拍拖，兩人先係喺萬聖節派對，頭貼頭親密玩手機app「Kwai」，之後又被網民發現兩人嘅IG有唔少背景相同嘅相片，疑似由去年底開始撻著！
而韓媒《Dispatch》今日亦獨家曝光兩人嘅約會照，踢爆佢地喺上月中喺經理人嘅掩護下，前往濟州島密遊4日3夜！據報道，GD同珠妍多數喺屋企約會，兩人揸自己嘅車，並各自駛入及離開對方屋企。
上月15日下午珠妍搭的士到金浦機場，佢被影到現身GD嘅濟州島別墅，並由BIGBANG經理人幫手搬運行李，甜蜜共度4日3夜。報道更指，兩人秘密拍拖嘅功臣係BIGBANG嘅兩名經理人。
另外，珠妍亦喺去年11月30日凌晨揸Range Rover Evoque到GD位於聖水區嘅G大樓，隨後BIGBANG經理人幫手揸走架車，直到隔日珠妍才揸GD嘅勞斯萊斯返屋企。報道刊登後，GD同珠妍公司表示，正向佢地確認中。
amJetso 送BIODERMA救星小紅瓶🩷護膚恩物 立即按此參加👇
