(右)飾演師爺公孫策的范鴻軒、(左)「展昭」何家勁。
曾經飾演《包青天》嘅65歲「包大人」金超群，因長期患有睡眠窒息症，昨日傳出數月前入院開腦，經調養後，健康恢復良好，打算由上海回台定居。佢朋友透露，「順利取出10公分大嘅瘤，頭頂有個L型傷口，成個人瘦咗一大圈」，金超群事後仲對朋友話「依家冇得大魚大肉了」。據悉，他入院時十分低調，唔係太多圈內朋友知。喺《包青天》飾演師爺公孫策嘅范鴻軒，同金超群非常老友，佢對金超群入院開腦一事表示：「我有聽聞，但唔係好清楚。」71歲嘅范鴻軒，透露自己亦有高膽固醇、高血脂等問題，醫生叮囑他務必要減磅。金超群24年前以《包青天》獲金鐘獎最佳男主角。
入App免費換走健康產品
