英國八卦雜誌《Star》今期封面報道，失婚嘅荷李活型男畢彼特(Brad Pitt)唔止搭上姬蒂赫遜(Kate Hudson)，而且仲搬入埋女方屋企住，連姬蒂媽媽、女星高蒂韓(Goldie Hawn)都表示畢佬令女兒開心，似乎贊成兩人一齊。而姬蒂的阿哥故意喺Instagram貼上該期封面，並寫道：「係呀，簡直好似地獄一樣。佢將屋企搞到立立亂，飲到醉醺醺，如廁又唔閂門，又稱我為兄弟，我啲仔女叫佢B(Brad)伯伯……你該係時候搬出去啦，我想過番以前嘅生活。」語帶揶揄嘲諷，並冇承認亦冇否認姬蒂嘅感情傳聞，網民拍手叫絕。
入App免費拎荷花BB展入場券
