韓國已故民謠歌神金光石，於1996年疑因抑鬱症困擾自縊身亡，終年32歲。早前導演李尚浩喺紀錄片《金光石》質疑金光石遭他殺，並同佢徐姓前妻有關。警方更查出，前妻一直隱瞞佢地嘅獨生女亦早於10年逝世！
徐某昨晚現身新聞節目《Newsroom》訪問，被問到父女死因時，頻以「唔記得」、「忘記」迴避問題。對於為何隱瞞女兒死訊？佢不停以「我爸住院、我忙著打官司」等各種理由帶過，令韓國觀眾更相信徐某同金光石父女嘅死有關。另外，徐某現身令該節目收視由原本5%上升至9.286%。
李尚浩喺紀錄片稱，金光石喺得知徐某有外遇後，決定離婚，但喺申請離婚前1日傳出自殺消息，且徐某係第1個發現屍體嘅人，並得到數百億韓圜財產及版權收入。喺紀錄片上映後，警方更調查出，金光石女兒早喺10年前逝世，但徐某對外宣稱女兒喺美國生活。
入App免費換走健康產品
