2013年河智苑為《THE CELEBRITY》雜誌拍攝的全家福照片。
「韓劇女王」河智苑胞弟全泰秀(正名：田汰遂)，昨日因抑鬱症困擾突然離世，終年33歲。河智苑已取消所有電影宣傳工作，現時同家人一齊辦理弟弟嘅喪事，並訂於後日出殯，喪禮以非公開形式舉行，且不接受採訪。
全泰秀今個月仍有更新IG，佢PO出充滿陽光朝氣嘅照片，寫到：「我去一去就返。」估唔到竟成生前最後一句留言。全泰秀一直都擺脫唔到「河智苑弟弟」嘅標籤，且令佢飽受困擾，加上又喺2011年酒醉鬧事被捕，形象及演藝事業受重創，隨後嘅幾部作品都係一些綠葉閒角。
河智苑呢兩年痛失2名親人，佢父親2016年1月2日因心臟病發驟逝，如今弟弟亦喺1月結束自己嘅生命，令河智苑大受打擊，fans紛紛上網留言為佢加油打氣。
入App免費換走健康產品
