韓劇女神河智苑最近在首爾舉行首個畫展。
韓國女星河智苑曾經是當地一線花旦，代表作計有經典劇《秘密花園》、《奇皇后》和《黃真伊》等，8年前她開始醉心繪畫，去年她在首爾藝術展牛年特展上，掛了三幅名為「Super Cow」的作品並成功出售，為她打下強心針；今年4月，河智苑在首爾舉行首次個人展覽，名為「INSTANT: The beginning of relationship」，她希望把展覽帶到海外，盼與當地藝術家合作，透露成立藝術品牌Art Space Polarpo，希望將來舉辦超越視覺的展覽。
河智苑從8年前開始便醉心繪畫。
河智苑接受訪問時透露，她自小喜歡上課時偷偷畫畫，又喜歡把家裏的小電器拆散再組裝，她說：「我好似一直都想表達某些東西，後來我對演戲有興趣，透過演員呢個職業去表達自己。大約8年前，有一日我突然又再開始畫畫，有時會坐車喺路途中畫素描，大約4年前認真地去做，然後就舉辦咗今次個人畫展。」她又說：「作為演員嘅時候，我經常深究自己喺呢個世界裏咩人？應該做甚麼？點解會做演員？變得好好奇，開始探索，想更了解世界，甚至苦惱我可以貢獻乜嘢去製造一個美麗嘅世界。喺過程中，我決定透過作品去表達我眼中嘅世界。」河智苑續說：「今次展覽主題『關係的開始』，關於呢個數碼時代裏嘅人際關係。我作品中糾纏一起嘅無臉人，就係代表數碼世界。喺數碼世界裏嘅關係可以好簡單、多樣化、方便，但同時又可以容易地斷絕。我哋要了解多啲呢個世界，好好建立人際關係，從而令我諗到以『關係』作為今次展覽主題。」
河智苑坦言希望到海外舉行展覽，甚至與海外藝術家合作。今次畫展是她新成立的藝術品牌「Art Space Polarpo」頭炮項目，她說：「對我嚟講，成立呢間公司係一個好大嘅企劃。Polarpo係一個讓參觀者透過五個感官去享受展覽嘅空間，除去鞋子、聞着香味和聽着歌。我嘅目標係創造一個不單止用視覺，仲可以透過唔同感官去欣賞的展覽。將來如果我再舉行展覽的話，我會準備一個超越視覺元素、觀眾參與度更高、更多同感嘅展覽。」她承諾會繼續挑戰自己，創造更美好的世界。
河智苑成立藝術品牌Art Space Polarpo，希望將來舉辦超越視覺的展覽。
“INSTANT: The beginning of relationship”
日期：2023.04.22 ~ 2023.05.21
時間：11:00AM ~ 18:00PM
（最後入場時間 5PM，逢星期一休館）
地點：5F~6F,Building 8, 30, Seongsui-ro 7-gil, Seongdong-gu, Seoul, Republic of Korea
first look around 6th floor
amJetso 送BIODERMA救星小紅瓶🩷護膚恩物 立即按此參加👇
