GD都算係國際名人，軍方俾特權佢都唔奇。
相片所見，GD左手包紮住。
GD喺隊中經常被「集郵」。
韓媒《Dispatch》報道，GD入伍以來請過2次10日9夜病假。
國軍楊州醫院有「上校室」。
韓國天團BIGBANG隊長G-DRAGON(GD)今年2月入伍，貴為樂壇天王，享有特權絕不令人驚訝啦。韓媒早前報道GD手腳受傷，包紮住左手嘅相片流出，令fans非常擔心。韓媒《Dispatch》今日報道，GD喺上星期二因腳關節痛，去咗國軍楊州醫院接受治療，仲有10日病假可以慢慢休息。而且，院方仲安排GD入住連高級官階軍人都唔可以住嘅「上校室」，房中有齊電視、雪櫃、冷氣，原來當兵都可以好享受。
仲有，GD又被爆今年2月27日入伍以來，先後已入院超過4次，約有20日假期。消息曝光，網民就話軍隊優待GD，對其他軍人極不公平。
今日中午時間，軍方否認呢個報道，仲話GD冇住過「上校室」。一名軍官就話 : 「醫院根本冇『上校室』，GD住嘅係單人房，士兵唔會因為係名人，就會享有特權。」GD所屬事務所YG亦否認GD在軍隊中享有特權。
入App免費換走健康產品
