日本人氣動畫《櫻桃小丸子》熱播32年，其中小丸子姊姊杏子嘅偶像西城秀樹，5月16日因心臟衰竭逝世。《小丸子》喺今日播出嘅劇集中，特別製作一個插圖向呢位殿堂級歌手致敬！《小丸子》嘅故事中，常常有西城秀樹嘅劇情，最新一集話小丸子中獎，獎品係「秀樹襟章」，佢將襟章送俾姊姊，最後更畫了西城秀樹個唱嘅插圖，寫下「秀樹先生，謝謝你。」
由於冇事前預告，網民感到驚訝，又留言「秀樹永遠活在小丸子的世界裡」、「以後也繼續出現吧」、「姊姊果然是秀樹鐵粉！」原作者櫻桃子係以自己小學3年級作靈感，創作了《櫻桃小丸子》，當時西城秀樹正值當紅歌手，因此設定為姊姊最愛嘅偶像。西城亦於94年曾為《小丸子》唱出主題曲《跑起來老實人》。
入App免費換走健康產品
