踏入7月，MIRROR成員呂爵安(Edan)於7月將有不同作品推出，包括ViuTV劇集《i.SWIM》、電影《闔家辣》，當然還有月底的MIRROR演唱會。去年憑劇集《大叔的愛》成功入屋的Edan，他與Anson Lo(盧瀚霆)合演的「田牧」組合，深入民心，兩人更被封為「登神CP」。原來昨日(28日)是劇集播出一周年，他在社交平台發文，並上載多張「田牧」花絮劇照，寫道：「聽講今日係《大叔的愛》播出一週年，出個po賀賀佢先！知道好多朋友都係因為哩套劇集先認識我，甚至成為爵屎，感恩可以遇上呢套劇，多謝你啊田一雄！仲記得當初就出街嘅時候嗰種既緊張又期待，喺到諗大家會咩反應，估大家會唔會鍾意」
對得住自己就夠
事隔一年，去年他拍攝的作品將會陸續推出，Edan自言心情仍然是期待又緊張，不過少了去年的慌張，他續稱，「因為明白到其實好多嘢都係控制唔到，亦不能預測，所以做嘅時候用盡全力，對得住自己就夠了，希望嚟緊嘅作品可以比大家睇到同上年有分別嘅Edan啦！」他出po後，「阿牧」Anson Lo以emoji 「👊🏻♥️」回應，鄭欣宜就留言，「omg I love u tintin and mokmok」
入App免費換走健康產品
