梅姨喺劇中與妮歌鬥戲。
麗絲蕙絲潘(右)繼續演出《小謊言》第2季。
《小謊言》贏盡各頒獎禮獎項。
勇奪多個電視頒獎禮獎項嘅美劇《小謊言》(Big Little Lies)，第2季已正式開拍。劇集分別有兩大影后妮歌潔曼(Nicole Kidman)與麗絲蕙絲潘(Reese Witherspoon)主演，製作公司喺早前已公布另一影后梅麗史翠普(Meryl Streep)加盟，令劇集更具話題性。妮歌昨日在Instagram公開最新劇照，就係佢同梅姨仲有兩個仔睇緊平板電腦嘅照片。妮歌喺第1季慘遭老公家暴，所以她與麗絲蕙絲潘合力殺死自己老公，梅姨喺劇中飾演妮歌嘅奶奶，就係調查個仔死因。3大影后喺同一劇集鬥戲，認真難得一見。