麥明詩興奮與拍檔打招呼！
麥明詩原定從台灣返港主持第500集《#後生仔傾吓偈》，但撞正台灣要求香港訪台的人必須隔離14日，所以麥明詩改用Video Call同大家傾吓偈。節目因為時間關係，只剪輯了少部分播出，其後無綫把她的Video Call片段上載至YouTube上，她在片中表示離開香港，是因為找不到老公，所以決定到外面找下。
對於有指她現在的工作收入非常可觀，她表示現時收入大減︰「我終於明白咩叫為興趣同熱誠去做。我依家好明白打工仔嘅辛苦，每日都要7點幾起身，雖然有時拍劇都要早起身，但依家係日以繼夜，夜以繼日，係唔會完。」她表示以往需要到客戶的公司工作，但因為疲情關係，所以留在酒店「home office」。她又強調現時收入「好大幅度下降」，但轉工是因為想發展可持續的事業。
事後有網民曲解她的意思，於是她在網上發文澄清︰「其實我只不過好似一般打工仔吹水咁，同人傾偈會呻吓OT到1點辛苦，朝早起身返工對住電腦十幾個鐘好攰，想表達嘅係我依家對大家打工仔嘅辛勞感同身受，但心底裏我係非常珍惜呢份工同埋不斷繼續學習嘅機會，亦喜歡自力更生嘅感覺，當初亦係因為咁嘅原因才作出呢個決定，所以我一定會繼續努力工作和學習，去成為一個讓我自豪的自己！」
入App免費換走健康產品
