《新九品芝麻官》
由周星馳（星爺）、張敏及吳孟達等人主演嘅經典電影《九品芝麻官》，1994年上映至今仍令依然為人津津樂道。近日內地推出《新九品芝麻官》，而呢個翻拍版本幾乎係同原作嘅劇本一樣，而且仲有苑瓊丹及黃一山助陣，不過依然負評滿滿，被網民指係爛片。
《新九品芝麻官》劇情主要講述一宗滅門慘案，行兇者背景強大，更將案情顛倒黑白，陷害他人入獄頂罪，縣官包龍星自知能力有限，所以就進京告御狀，最終偶遇皇上，翻案成功。劇情同原作嘅劇本幾乎一樣，演員仲有原作嘅「石榴姐」苑瓊丹及「皇上」黃一山助陣，以其他主要演員仲有彭禺厶飾演包龍星、林妍柔飾演戚秦氏、劉子豪飾演方唐鏡、及魏璐則飾演雷喵（女版雷豹）等等。
呢套舊酒新瓶嘅電影，上映首日嘅票房可以話係慘不忍睹，只有約人民幣1550元，而網絡更加喺負評滿滿，唔少網民紛紛留言鬧爆，例如「算是周星馳出山再演一回也没人看啦」、「跳着看完了，很是無聊。。」、「有必要重拍嗎？自取其辱」 、「毀星爺經典」及「根本就沒有出這部新九品芝麻官的必要」等等。
原文刊登於 Yahoo 娛樂圈
入App免費換走健康產品
