張瑪莉開Live，對政府的抗疫政策大感失望。
1975年香港小姐張瑪莉昨日在社交平台直播，表示自己看完報紙之後大感無奈，對政府的抗疫政策非常失望，認為「政府真係好離地、好離譜」，又指疫情已經來到第四波，認為政府應認真聆聽醫療專家意見。
張瑪莉指其他國家已一早實行酒店隔離，反觀香港要到12月22日才開始︰「好似澳洲已經實行咗幾個月，我哋啲官仲話慢慢去研究，仲使研究？已經有咁多成功例子，澳門、國內、紐西蘭同澳洲，人哋個個地方都做晒喇……我哋啲漏洞簡直多到係離晒大譜！真係要自己保護好自己。」
張瑪莉在疫情期間十分小心，希望可以每人做多一點點，令確診數字歸零。
她又指政府應該封關一段時間︰「我11月初12尾講過一次，好唔好暫時停一停，唔好俾啲人返嚟？如果真係返嚟，即刻喺機場接佢哋去檢測14日，盡量唔好再出出入入，但梗係冇人聽，我哋人微言輕，慘喇，今年聖誕節冇㗎喇，大家安坐家中啦！」她對新年也不敢抱太大希望，因為政府的措施不可行。她續說︰「我覺得我哋政府真係好離地，係離譜，仲使研究？唔使研究喇，咁多成功例子俾我哋睇！我覺得我哋政府好驕傲，講政府唔啱，係裡面有人好驕傲，成日覺得自己個方式好得！」
張瑪莉表示日前出席過分享會，所以會做病毒測試。
提到跳舞群組出現多人感染，張瑪莉認為這個群組人士必須要檢控︰「我真係唔明，睇咗一張報紙，話要等警察檢控，其他食環及紀律部隊係咪可以幫手？」她認為檢控不單只是罰錢，必須有阻嚇作用。她說︰「靠政府就危危乎，不如自己做好佢，聖誕同過冬都盡量減少聚集啦！」又叮囑大家要靠自己，並呼籲大家常用搓手液，萬事小心。