曾偉權不敵癌魔離世，終年59歲。(影片截圖)
曾偉權與鄭敬基在《牛下女高音》合作，結成好友。(影片截圖)
曾偉權昨日不敵癌魔離世，生前一直陪伴照顧他的契妹SaSa，錄下一段逾6分鐘的錄音，透過鄭敬基的YouTube頻道的錄音短片交代權權的遺願，感激古天樂、鄭敬基、歐瑞偉等圈中朋友的關心和支援，同時公布會遵照其遺願不設靈，並表明今後不會再回應與曾偉權有關的問題，望能讓權權入士為安。
SaSa首先向權權的朋友、影迷、傳媒，正式公布曾偉權的死訊，「曾偉權喺2020年11月12號星期四嘅早上，喺我同我屋企人同好朋友嘅陪伴下，已經安詳地離開咗我哋，享年59歲，佢返回天主嘅懷抱，得到永生，再冇痛苦啦！」
曾偉權生前人緣甚佳，在患病期間獲多位圈好友相助送暖。(影片截圖)
SaSa指出，權權希望大家將思念化為愛，保護流浪貓狗。(影片截圖)
曾偉權契妹感激古天樂等多位圈中朋友的支援。
將思念化成對流浪貓狗的愛
SaSa形容曾偉權是值得敬佩學習的戰士，在病患的兩年間，仍沒想過放棄，更不忘照顧流浪貓狗，接著她交代權權的遺願，「權權喺生前交帶落，萬一佢不幸離世嘅話，千祈唔好同佢設靈，所以我都要尊重佢嘅意見同遺願，識佢嘅人都知佢好怕嘈吵，好怕應酬，好怕煩到人，佢係一個比較鍾意寧靜嘅人，所以我都希望大家去諒解，佢話如果思念佢，就為佢祈禱，將思念變為愛嘅力量，成全佢繼續為流浪貓狗爭取權益，將佢嘅遺願延續下去。」
感激圈中友好送暖
同時，SaSa不忘感激醫護人員、家人、圈中朋友等的照顧和體諒，尤其是鄭敬基，「排名不分先後，有古天樂、陳煒、姚嘉莉、同埋歐瑞偉，另外，一定要提嘅係鄭敬基，因為喺權權做手街嗰陣時，佢同太太差唔多每隔一日就會嚟探權權，仲要煲埋湯畀權權，到出院嘅時候，佢都成日嚟探望我哋，仲幫我哋托日用品過嚟，Joe哥成日都開解我，係一個好好嘅聆聽者，我喺佢身上都學到好多嘢，我真係好感激佢。」
最後，SaSa語帶激動表示，視權權為家人，「喺我最需要幫忙嘅時間，佢哋（Sasa家人）總係會出現，支持我同權哥，我真係好感恩。權哥都同我哋講『好彩有你同你嘅家人冇嫌棄過我咋！』我哋點會嫌棄你？因為你係我哋嘅一家人。」
入App免費換走健康產品
