每逢情人節，討論區都會有幾首歌loop來loop去，首推的當然是改編自古巨基《愛與誠》的《毒男》。不過，昨日有網民把李克勤的《紅日》改成單身人者神曲《2月14顛沛流離》，歌詞有創意之餘亦十分啱音︰「2月14顛沛流離 2月14曲折離奇 2月14恐嚇著你 做人沒趣味 獨留在屋企 毒L只得你 冇人能 一生永遠陪伴你」最重要的是單看歌詞都好似聽到李克勤把聲。
克勤都想，不少網民留言希望他可以唱出整首歌。
之前有網民推到Dear Jane同古巨基唱出改編歌，當然都希望克勤可以唱埋一份。昨晚他在FB說︰「我人在賓陽工作，知道大家咁俾面，本來真係想唱一唱，反正我也不是甚麼斯文人，但又驚啲仔睇到聽到，你知呢啲嘢小朋友學得最……祝大家情人節快樂！單身的就盡快脫單，謝謝大家。」及至今早，克勤上載了一條食麵短片，在片末輕輕「唱」了兩句，更大讚網民厲害！
最後都「唱」了兩句。
立即更新/下載AM730手機APP 體驗升級功能
