周秀娜自辯剛加入劇組，不明白為何傳出有高層偏幫。
劉心悠稱，自己拍師奶劇時都有熬夜。
胡定欣、劉心悠、周秀娜、馬國明和黃心穎等，昨日出席師奶劇《深宮計》的開鏡拜神儀式。心悠及娜姐兩位外援，被指有高層偏幫，可在較好時間拍攝，不用捱更抵夜，二人昨日否認，又說只是剛進劇組，不明白為何有此傳聞。
心悠及娜姐被指得到高層優待，特別遷就二人檔期，連累同劇演員要通宵拍攝趕進度，娜姐說：「我個角色出場時間較遲，所以今日先係第二日開工，冇點優待我呀。」心悠則指：「拍劇講明有假期，而且我都熬過夜喎，唔清楚當初經理人幫我爭取咗咩條件，不過真心相信唔會存在偏心嘅因素。」
胡定欣詐陳展鵬型 有緋聞即撇
定欣表示，希望拜神之後一切順利，提到她捲入陳展鵬一腳踏兩船的緋聞中，她說：「只係娛樂新聞一則，過咗去嘅事就唔好再講嘞，(陳展鵬的fans指責你想劃清界線？)陳展鵬喺報道出街後，就『遠走高飛』去咗北京拍劇，所以變咗我係回應次數最多嘅人，點樣劃清界線呀又。」至於單文柔被其fans攻擊，指責「耍心計搶走胡定欣男友」，她就呼籲fans冷靜點，「希望fans唔好再有惡意嘅的留言，根本冇咁嘅事發生。」
【立即參加】送香港迪士尼樂園一日門票！
