譚偉權在新戲扮阿Sir，開工前心情靚靚自拍。
今日譚偉權與王君馨到欣澳為新劇《我家無難事》拍外景，譚偉權在劇中扮演重案組總督察莊致遠。原本「莊Sir」笑笑口開工，但最後卻因為拍攝一場揸車戲，被交通警察影相抄牌兼扣分，「莊Sir」大感無辜，在社交平台連番出PO吐苦水。
相信當時仍未被交通警抄牌，笑王君馨「餵蚊」。
譚偉權留言謂︰「其實好唔開心，但又唔可以做到啲乜……外景拍攝，陰公豬呀！今日真係諸事不利，開工拍攝揸車戲被影相抄牌同扣分……條路又冇牌寫住，根本就係陰人，佢哋今日一定好飽，因為人人經過都中招。我最唔抵，因為係拍攝中囉，冇端端冇咗三分喎……真係have a good day嘞！」
其後上載罰款抄票，沒料到拍戲都無情講。
疑似工作人員與警察周旋。
從他上載的片段所見，有疑似無綫工作人員與交通警周旋的片段，但看來交通警並未有因為他們拍攝而網開一面，依法辦事。譚偉權今次硬食牛肉乾兼扣3分，他直言是「無辜辜系列」︰「我會好好記住今日，生日月份收到一份咁嘅禮物。」
收工時變得勁無奈。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
