火雞姐大呻排隊6小時做強檢。
第5波疫情持續，確診個案不斷增加 ，本港今日新增1325宗確診個案，大量地方被納入強制檢測，由於排隊檢測等候需時，近日更出現了「排隊黨」及「炒籌黨」，於網上以代排隊及取籌收費圖利。昨日（10/2）丁可欣(火雞姐)便在社交網大呻排隊做檢測之苦，她上載了一張正在排隊的照片，並寫道：「住個度有人中咗 ，要強制檢測 。帶婆婆公公去排隊 ，排咗五個幾六個鐘 ，頭四個鐘一路排都未入到體育館入邊， 一路排一路吹風 ，已經叫兩個老人家坐住喺側邊等 ，但老人家連坐都坐到攰 ，仲要見到身邊好多小朋友老人家 ，或者啲媽咪抱住個BB喺度等冇人幫到佢哋排企足四五個鐘 ，咁樣搞法幾百人集埋晒一齊 ，真係仲危險 ，冇感染都分分鐘受感染埋一份 。多謝咁排隊吹風法 ，而家自己都病埋 ，頭又痛 ，已經好無奈 ，冇乜嘢好講 ，亦都唔想再講任何嘢 。希望大家身體健康 ，平安無事 。」
立即更新/下載AM730手機APP 體驗升級功能
