羅拔唐尼(左)整鬼造馬，搞到「洛基」Tom Hiddleston勁無奈。
羅拔唐尼整個亞洲宣傳都勁親民。
Tom Holland(左)話蜘蛛俠戰衣唔得，麥克認同佢意見。
蜘蛛俠Tom Holland。
一眾超級英雄在上海宣傳。
萬眾期待的Marvel超英片《復仇者聯盟3 : 無限之戰》(Avengers : Infinity War)下星期上映，一眾飾演超級英雄的演員「鐵甲奇俠」羅拔唐尼(Robert Downey Jr. )、「變形俠醫」麥克雷法路(Mark Ruffalo)、「蜘蛛俠」Tom Holland與「洛基」Tom Hiddleston，今日在上海出席記者會。羅拔唐尼就一貫鬼馬作風，經常撩「洛基」Tom Hiddleston講嘢。當記者問「蜘蛛俠」Tom Holland鍾唔鍾意套新戰衣時，Tom就扮唔開心咁話 : 「其他英雄都有勁人幫佢哋設計戰衣，我戰衣就好似睡衣，總之著上去冇你哋想像中咁正囉。」之後，「變形俠醫」麥克就話 : 「我好認同，我哋就好似又肥又腫嘅聖誕樹咁。」麥克講完，即引來全場大笑。
入App免費換走健康產品
