由黃德斌、譚耀文、吳卓羲、張建聲、栢天男回歸主演《逃獄兄弟3》於今日(2日)上映，由於《逃獄兄弟》系列第二、第三集同時拍攝，拍攝《逃獄兄弟2》已傷了肋骨的譚哥，負傷拍攝第三集與黃德斌的廚房肉搏的高潮戲，搏到盡非常專業。
譚哥唔錫身親自應付該場埋身打鬥戲，他直言，「習慣晒，自從做演員以嚟真係咩傷都受過哂，好彩對手係經驗豐富嘅德斌，拍得放心之餘效果又好。不過最深刻記得我拍第一部電影就被一位泰拳高手打甩咗隻牙，可能佢以為係擂台上面，所以唔怪得佢，咁我執番隻牙就即刻去醫院，止完血再返現場繼續完成拍攝。」德斌知道譚哥負傷拍攝，也擔心另對方傷上加傷，幸而有專業武指設計招數，過程辛苦也算順利完成。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
