發哥曾三度獲金像獎影帝殊榮，但今屆的影帝名單競爭激烈。
秋生角逐影帝，上一次獲金像獎影帝提名已是2014年。
《第38屆香港電影金像獎》將於4月14日晚上假香港文化中心舉行，大會找來古天樂及毛舜筠公布名單，19個獎項入，《無雙》獲得17項提名，而《逆流大叔》則獲得11項提名，而《翠絲》亦有9項提名。
《無雙》角逐多個大獎項，發哥憑《無雙》入圍影帝5強，他回覆稱因為已經很久沒有提名，所以心情有點忐忑，他說︰「信心就一定有嘅，唔得就下一次囉，如果嗰日唔使開工一定去，咁高興咁難得，我依家都食緊雞尾包慶祝啦！」對於張靜初有份角逐影后，發哥看好她會獲獎，他指對方要一人分飾幾角，有一定的難度。他又謂希望可以雙影帝，或三影帝，讓每位候選人都可以獲獎。
入圍與發哥拗手瓜的秋生表示︰「入圍啫！又唔係攞獎，你買六合彩，夜晚都唔會食餐一萬蚊嘅飯去慶祝啦！係咪呀？中咗至講啦！」
發哥看好張靜初拎影后。
《三夫》導演陳果
《無雙》亦同時入圍最佳電影，其餘入圍名單有︰《逆流大叔》、《三夫》、《紅海行動》及《淪落人》。《三夫》導演陳果表示︰「多謝香港電影金像獎給予《三夫》的提名。多謝他們欣賞這部富有香港特色的電影，更加恭喜女主角曾美慧孜也有提名，她才是整部電影的精髓。多謝電影金像獎，多謝小妹。」
《逆流大叔》導演陳詠燊稱最開心黃德斌和潘燦良一同入圍角逐男配角，「好振奮，好開心嘅一件事。電影獲提名『最佳電影』真係好感動，呢個提名係團隊嘅合作嚟，最重要係大家好無私扲最好嘅嘢出嚟幫我呢個新導演，今次係最好嘅交代。我今年入行19年，終於有少少成績俾大家睇，我睇完個名單之後自己都爆喊，我已經覺得有提名已經當拎咗獎，如果入圍個5個都可以一齊拎獎就更加開心。」
金像獎入圍所名單︰
http://www.hkfaa.com/winnerlist.html
入App免費換走健康產品
