馬國明公開嗌靚湯做老婆。
TVB新劇《飛常日誌》日前於尖沙咀舉行煞科晚宴，劇中一眾演員馬國明、蔡思貝、洪永城及高海寧等亦有出席。適逢馬明與湯洛雯的婚期將至，在場的所有台前幕後就預先舉杯，祝福一對新人。
雖然一對新人一直未有透露婚期，但被問到是否就嚟要飛？馬明表示：「我好快就飛，大家應該見埋我今晚，就會有一段時間見我唔到，但多謝大家先，踏入人生另一個階段。」被問到大日子將近，心情會否有不同？馬明回答時則已經以老婆稱呼靚湯，並表示為婚禮上跳舞加緊練習，「我老婆都同大家講過，婚禮上我哋會跳隻舞，而家開始真係要練一練，因為我跳舞就真係機械人咁，但係為咗呢一日都要練一練。」他更透露是first dance形式，比較抒情及慢的舞步，對於他來說舞步唔使咁快，會盡量跳得好一點。
至於，早前被指與鄭嘉穎不和，馬明再次強調與對方從未鬧過交，不存在不和，並指婚禮完結後，看看鄭嘉穎是否有空能夠相約食飯。而當日有出席煞科宴的高海寧及蔡思貝 ，亦透過即將會出發，當靚湯的姊妹，陪對方出嫁。
🎁 amJetso請你睇《焚城》，快Ｄ開APP玩👇 👇
