炎明熹聞姜濤轉會打個突驚爆唔介意剃光頭示人

炎明熹（Gigi）到尖沙咀出席活動，吸引大批粉絲到場支持，當中見到不少長者排頭位舉牌叫喊。Gigi 在活動完結後更走到fans前影合照，她更企不同位置，讓更多fans出現在大合照內。

今次是Gigi簽約Sony後首個公開活動，她表示未來會見到她不同場合出現，而且愈來愈多，也有不少跟音樂相關。她又讚公司的同事對她很客氣，並指自己表達能力仍有待進步，但會勇於嘗試，所以每次傾工作時，自己會加多句「對唔住呀大家，唔好嫌我煩，但係我覺得我需要表達一下我嘅意見……」她相信同事日後會習慣她「嫦娥」式說話。她又提到公司的洗手間很好，但不會在入面唱歌。

唔敢做姜濤師姐

問到想跟公司哪位師兄師姐合作，她表示在簽公司前已跟葉巧琳一齊演舞台劇，自己也想跟林奕匡合作，因為有聽對方的作品，同時也喜愛跟更多不同音樂人合作。她坦言會嘗試不同作品及曲風，開心自己的新曲深受大家喜愛。她笑謂自己早兩年曾跟林奕匡私訊，對方曾表示希望未來可以一齊合作，沒想到現在是同公司，「但係我超公司唔係因為呢件事，哈哈哈！」

提到有傳姜濤轉會，Gigi 表示未有聽聞，更大感愕然，如對方有新動向會祝福他，一切順其自然。問到如姜濤加入公司，她便成為對方的師姐，Gigi大感驚訝並謂要猜包剪揼形式去決定，「我唔想做師姐丫！」自己也想跟他合作。她說：「我都好想同大家合作，我覺得自己有啲內向，好想主動認識大家，必須踏出呢一步！」

榮幸似徐子珊

Gigi近期露出額頭示人，她表示只是暫時性，「嗰陣自組工作室唔係好耐，我哋都喺度傾整咩髮型，着咩style嘅衫，依家都係暫時係咁行住先。自己咩style都會想試吓嘅。（剪短頭髮呢？）我都有諗過如果髮型師話我光頭都OK，就剃啦！但係大前提係要適合先。（有啲人話你新髮型好似徐子珊）呢個我有聽過，最近有網友拎子珊前輩同我嘅相出嚟，又真係有啲似，係我榮幸嚟嘅！」問到有沒有考慮行性感路線，她笑謂大家要洗眼。

提到她早前po出不少童年照去回應網民，其中有網民叫她貼腳指時，但她以其他圖片回應，她笑謂「我個人心地比較差，好多時都唔會如願以償，萬一好我有路腳趾嘅機會，希望大家可以珍惜！哈！」