否認相睇馬國明：不急於拍拖

譚嘉儀昨日出席新碟宣傳活動，馬國明(馬明)、鄭俊弘、胡鴻鈞和何雁詩一同撐場，對於近日有傳媒指馬明被母親「迫婚」而去相睇，他澄清只是去做義工，不是相睇，又稱傳媒的想像力太豐富。
馬明稱：「媽咪從來唔會安排我去相睇，亦唔心急要我去拍拖，我自己都唔心急要拍拖。」被問到會否介意相睇，他說：「如果開party唔介意識新朋友，但無啦啦夜晚兩個陌生人食飯就好怪！」

自嘲唱功差未敢合唱
馬明之前曾與譚嘉儀合作拍劇，覺得對方很有才華，又默默工作，所以很支持她。被問是否喜歡這類型的女生，馬明笑言沒有去想，又指自己唱功差，未有計劃合唱，「我驚達唔到對方要求，唱吓歌都無所謂，出碟就唔會喇，留俾有實力嘅人啦！」