193跟Do姐一同出席活動，對日本男神佐藤健讚不絕口。
日本當紅男星佐藤健今日首度訪港，獲珠寶品牌MIKIMOTO邀請出席傍晚在中環ifc mall舉行之130周年慶祝活動，由「Do姐」鄭裕玲擔任大會司儀，大會亦有安排193郭嘉駿、盧慧敏（Amy Lo）出席盛會。
今日活動安排頗為混亂，因主角佐藤健比原定時間遲了出場，Do姐立即展示其執生技術，邀來台邊的193上台撐場，之後當她再介紹佐藤健出場時，佐藤健卻遲遲未有現身，場面有點尷尬。至於活動結束後，Do姐孖193接受傳媒訪問，談到Do姐成為YouTuber主持訪談節目，193自言會自薦任嘉賓，Do姐表示會考慮，但指193好忙好難約，兩人也對佐藤健讚不絕口，揚言要趁機會集郵。Do姐羨慕對方塊面好細，又有追開對方作品，包括電影《浪客劍心》及大熱劇《First Love初戀》等，問到會否請他擔任自家頻道的嘉賓，她即賣關子答：「唔知呢。」。不過訪問期間，現場卻響起佐藤健的聲音，原來他正開咪跟現場粉絲交流，繼而影響兩人受訪，身為大會司儀的Do姐之後更被大會拉走，訪問在一片混亂下結束。
🎁 amJetso請你睇《焚城》，快Ｄ開APP玩👇 👇
