Gigi 以「保育大使」身份出席「海洋公園保育日」啟動禮。
梁詠琪(GiGi）昨日 (18 日) 以「保育大使」身份出席「海洋公園保育日」啟動禮，見她穿上白色西裝內配短身黑包打底，大騷纖腰，狀態甚佳。GiGi表示經常與囡囡到海洋公園探望熊貓，囡囡更叫熊貓做「Fur Ball」（毛球），她表示做父母好辛苦，更讚盈盈、樂樂好利害，第一胎就生育了一對龍鳳胎，坦言自己都好想生龍鳳胎，可惜已經做不到了！
GiGi 是盈盈、樂樂及一對仔女安安、可可的忠粉：「佢哋社交平台好利害，有十幾萬粉絲。」而作為保育大使，她呼籲大家要好好保護環境及動物：「海洋公園有多元動物種，大家要要好好保護 。環保亦好重要，多節約用水，少開冷氣，我自己就多用風扇。仲有，唔好用咁多塑膠，我已經好耐冇用一次過性塑膠，社區教育好緊要。」
