56歲翁虹出土20歲參選亞姐舊片 凍齡有術網民驚嘆：連把聲都keep到
亞視當年經常被睇低一線，但亞視搞嘅亞洲小姐的確出過唔少靚女，顏值不輸港姐。1989年亞姐冠軍翁虹，絕對係其中一位代表人物。
現年56歲嘅翁虹近年仲有喺內地拍劇同網絡電影，當然唔少得玩下小紅書。翁虹尋日上載片段，著上當年參選亞姐嘅露肩裝，同36年前嘅自己來個對比，居然唔覺有歲月痕跡，令網民嘖嘖稱奇，更有人話「連聲音都跟當年一樣」，簡直係全面凍齡。
翁虹嘅17歲囡囡劉蒔被譽為「最美星二代」
翁虹不時會拍片分享飲食保養心得，亦唔介意公開歲數。早前翁虹分享同老公劉冠廷去影樓拍攝嘅照片，兩夫婦一樣keep得相當好。值得一提係，翁虹嘅17歲囡囡劉蒔被譽為「最美星二代」，網民甚至話靚過邱淑貞囡囡沈月。
原文刊登於 Yahoo 娛樂圈
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
