王晶監製過多部三級片，不少作品至今仍教人津津樂道。
黎芷珊日前在《娛樂大家》的「真假話題」自爆曾被王晶邀請拍三級片《滿清十大酷刑》，令到全場譁然。她表示片酬相當可觀，但最後因為過不了心理關口而婉拒，該角色最後由亞姐冠軍翁虹頂上。
她稱當時主持兒童節目已有9年時間，當王晶找她拍三級片，正是因為夠爆炸性。她說︰「當時晶哥係託助手搵我，我聽完真係O咀！佢話如果做一個兒童節目嘅芷珊姐姐，咁深入民心嘅形象去剝衫，係會好大迴響！」汪阿姐問到剝衫尺度是多少，芷珊說︰「尺度係背部同上身全裸，但難度高嘅係，你知晶哥一向係唔跟原著，佢中間加插個隱形人強姦我，即係我對住空氣比人強姦，我真係唔識做。」
當芷珊表示拒拍三級片一事時，森美曾問到是否因為男主角不夠勁，她答道︰「係吳啟華！」阿姐聽罷︰「佢嗰時好瘦咋喎！」之後再問到片名，森美得知是《滿清十大酷刑》後，更驚訝表示︰「係名片嚟㗎！我哋係睇住佢長大！」就連陸浩明都謂翁虹騎木馬的一幕印象甚深。
汪阿姐嫌當時的吳啟華瘦，非常搞笑！
黎芷珊得知王晶邀她拍三級片，坦言嚇親。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
