薛家燕前晚為無綫節目《流行經典50年》錄影，大讚續任嘉賓主持的古巨基表現非常好，而且他有那麼多經典金曲，如同加入新巨星元素，覺得錦上添花；節目中亦發掘了很多好唱得的藝人。
家燕姐稱原先節目「冇得添食」，因為黎小田話辛苦，幸而由她成功爭取，並笑言：「佢之前話會養我一生一世，但一生未完佢就唔做，所以趁佢之前開演唱會，我當住觀眾面前問佢仲繼唔繼續做，佢先話繼續！」
兒子擔心著得太誇張
即將在6月榮升新奶奶，薛家燕表示在兒子婚宴上會換4套衫，「其中一件衫有種登基嘅感覺，(可會搶阿仔鏡？)阿仔都有同我講，唔係我結婚，唔使咁爆喎，但難得請咁多親戚朋友，當然要着靚啲。」
轉做KOL 何嘉莉唔介意同仔女拍廣告
至於，節目其中一個嘉賓何嘉莉，對上一次演出是在2013年伍樂城演唱會，不過她有信心唱功無生疏，「平時都有唱開K！」再婚後，何嘉莉去年9月誕下囡囡，她形容囡囡好可愛，「大仔好錫阿妹，無呷醋。」目前主要時間放在家庭，她表示回娘家英皇娛樂做KOL，可以工作，又可以照顧小朋友，「如果工作許可，無影響子女嘅，都可以一齊拍廣告。」
amJetso 送BIODERMA救星小紅瓶🩷護膚恩物 立即按此參加👇
