書展昨日開鑼，今年一如以往，有不少女星推出寫真，包括李彩華(Rain)、早前宣布進軍日本拍AV的麥紫莉及落選港姐林雅詩。
麥紫莉昨天在書展舉行見面會，由8位保鑣護駕登場，排場非常大。她表示公司想保護她，問到可會怕遇到狂迷，她表示：「呢個當然會驚，唔多唔少都會遇到。」提到她下月會去日本，更有報道指她已進行相關訓練，引起很大迴響，她表示：「朋友都有問我咩事，但佢哋都支持嘅，但屋企人坦白話一定唔會支持，咁多人都顧唔到佢哋嘅意見。」
麥紫莉由8位保鑣護駕。
Rain冇著底褲
Rain昨日則以艷麗外套配超低胸上衣，加上黑絲現身，為處女寫真集舉行簽名會。Rain表示：「其實一直都想影寫真集，但入行十幾年都冇機會，今次都係機緣巧合之下影嘅，收益都會捐俾山區學校作慈善用途。(有沒有性感底線？)今次合作都係全女班同好朋友，大家都知我嘅底線，影出嚟唯美就可以，其中一張著絲襪半裸嘅相，都係冇著底褲。(有沒有問男朋友意見？)拍攝當天都有send相俾佢睇，佢仲嫌唔夠性感，仲想之後學拍攝同我影，到時就我收佢錢啦。」
林雅詩為個仔唔再出寫真
林雅詩就穿上背心短裙，為其最後一本寫真宣傳。林雅詩坦言：「應承咗個囝唔再出寫真，呢本係最後一本。」她透露兒子不知甚麼是寫真，也未看到她的寫真集。問到回復單身的她有沒有追求者，她直認有，但目前以工作為先。
Rain以超低胸上衣配黑絲現身。
林雅詩強調兒子未看過她的寫真。
入App免費換走健康產品
