鍾雪瑩金馬稱后，Jace雀躍萬分，受訪時更扎扎跳回答問題。
陳凱詠(Jace)昨日出席《903 AllStar 籃球賽》，因為比賽關係，無閒留意御有填詞人兼好友鍾雪瑩首度《金馬獎》稱后，她回到後台得知消息後雀躍萬分，受訪時更扎扎跳回答問題，「今日比賽唔閒睇鍾雪瑩攞獎，雖然呢度好侷，不過知佢封后，我開心到好想瘋狂跑，佢真係好厲害。」
Jace又稱鍾雪瑩非常厲害，獲獎時沒有淚灑舞台，「鍾雪瑩好叻，我睇得獎片段時已經高興到喊，佢唔喊不特止，仲可以將致謝詞講晒。」表現極度亢𡚒的她又稱：「原來朋友攞獎可以咁開心。」問她如何與對方慶祝，「暫時未知，等佢返嚟先再算，佢想點慶祝就點慶祝。」
在旁一起受訪的周欣庭(YT)，看見又轉圈又𨂽地不停唞大氣的Jace，就稱：「第一次看見人受訪會缺氧。」傳媒就著他替對方做人工呼吸，兩人即時尷尬大笑，此時的Jace才停下來解釋：「原來有種開心會係個腦、係個身體到不停爆炸，講幾多嘢都表達唔到嗰種喜悅。」她又呼籲大家恭喜鍾雪瑩，代表香港演員揚威金馬。
Jace受訪時激動到缺氧，記者著YT幫手人工呼吸，兩人即時大笑。
amJetso 送BIODERMA救星小紅瓶🩷護膚恩物 立即按此參加👇
