假．君如視像森美借錢。
現今科技發達，AI 騙局無孔不入，騙徒使用Deepfake技術生成虛假影像和聲音騙財，最近就發生一件搞笑事。日前，森美收到「吳君如」視像來電，聲稱被賣到柬埔寨，要求借5,000元坐船返港。
森美昨晚(29日)在社交網上載一段吳君如打給他的視像電話片段，畫面見君如在螢幕上出現，並以半鹹淡普通話說：「聽唔聽到……聽唔聽到，對，我是君如，我現在被導演賣咗去柬埔寨……」森美就問：「乜嘢導演呀？你拍KK園之戀？」君如表示需要借5,000元搭船返港，戶口號碼已發給森美，然後匆匆掛線。
有網民笑稱似鄧兆尊。
真．君如在5日前更新IG，分享同祖兒、阿Sa在英國相聚合照。
睇樣以為真
森美在社交網留言：「君如，你喺柬埔寨邊度啊？使唔使搵人嚟救你？依家啲Deepfake(深度偽造)都真係幾真，淨係睇樣都真係有機會認錯，除咗口音……都真係有6、7成似君如㗎﹗依家真係愈嚟愈多電話騙案，大家真係要搵啲方法Deepfake詐騙，醒目啲。」不少網民表示相當搞笑，ERROR成員193留言：「快啲救13君如姐」。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
