九個大男孩迫爆錄音室。
組合C AllStar新歌《北極熊的遺言》，是由成員陳健安(On仔)首次任歌曲監製的作品，他更邀請了另一隊組合Nowhere Boys為新歌擔任編曲工作。
因為《北極熊的遺言》結緣，C AllStar籌備製作studio Live，決定叫埋Nowhere Boys一齊玩。九個大男孩，迫爆錄音室，Nowhere Boys主音Van（陳維諾）坦言當日收到On仔邀請幫忙為《北》編曲時，既開心、又迷惘，他解釋：「其實今次合作真係好開心，但On仔當日俾個demo我哋聽嘅時候，佢已經自己彈晒所有音樂，究竟佢搵我哋做咩呢？但其實呢個做法好好，俾咗一個好好嘅方向我哋，加埋我哋結他手阿Ken嘅音樂效果，令成首歌感覺再凍啲！」
旁邊的On仔補充：「今次係我第一次幫C AllStar監製歌曲，有時對自己嘅決定會好猶疑，但Nowhere Boys俾咗好多信心我。」
今次studio Live兩隊組合除了合奏《北》外，還獻唱了Nowhere Boys的《我在》，主音Van說：「其實真係要多謝C AllStar，為《我在》呢首歌配上佢哋獨有嘅和音，好似有四個天使喺我隔籬唱歌咁，因為首歌本身好rock，我冇諗過可以變成咁，原來C AllStar都可以好搖滾。」
入App免費換走健康產品
