Edan出席公開活動，親目回應演唱會千字文餘波。(林俊源攝)
MIRROR成員Edan(呂爵安)今日(6日)於尖沙咀出席時裝品牌概念店的開幕活動，上月底完成首次個人演唱會的他，近日頻頻在社交平台出po分享個唱點滴，似乎完騷後遺症頗嚴重，他直言起初想快快結束3場騷，因感到頗大壓力，但真正完騷後卻感空虛，稍作休息後已重新開始唱歌和跳舞。
對於演唱會撰千字文回應Haters言論，引起很大迴響，Edan表示：「其實我原意是減少惡意言論，我經常在facebook或討論區見團員或藝人被惡意攻擊，覺得氣氛好唔健康，攻擊性很強，所以我原意大家放鬆啲、多一點愛，但沒想到好多人會針對姜濤和姜糖，完全唔係我想見的情況，所以影響咗佢哋都唔好意思。希望大家明白我出po的原意，希望大家不要惡言相向，累積下去只會更負面。」
Edan表示撰長文出po原意想減少惡言相向，強調是姜濤友好關係不變。(林俊源攝)
沒料到牽連姜濤與姜糖
Edan坦言，深知千字發文不能改變大氣候，但希望可逐個感染他人。問到會否日後擔心講真心話，再次惹來非議？他表示每個人也有不同面向，最重要是取得平衡，「如果有道理，大家會明白，覺得有需要做也會做，當然的確要小心處理。」談到姜濤在IG Story指有些人已向他道歉，引起忖測Edan是道歉者，Edan表示：「事後有跟姜濤討論，唔好意思影響了他，但不是大家想像中的一回事，其實我跟他好friend，大家唔使擔心我哋因此影響感情，我們一致認同唔想再加劇仇恨，大家放心。」
🎁 amJetso請你睇《焚城》，快Ｄ開APP玩👇 👇
