恭喜！恭喜！Super Girls成員蔡明思今日宣布嫁人喜訊，她在IG上載與拍拖6年的男友合照，並留言道︰「我真的有好消息想告訴大家呀，首先恭喜陳生，他燒了三輩子的好香。這輩子終於可以娶我回家！恭喜晒！之後恭喜自己榮升超人。從此之後，聽教聽話，洗衫煮飯打掃全包在我身上，聽落好像有點累，但我很樂意。因為愛。恭喜有情人終成眷屬，人生很完滿。P.S陳冠是我的天使，我每天都很想感謝他！I can’t wait to marry you.」
Jessica回覆說︰「我一直都冇講，係因為頭幾年係long distance，感情未好穩定，所以我就唔想講。呢幾年佢返嚟香港做嘢，感情慢慢穩定，咁就先講，加上佢係圈外人，我都冇刻意講，除非係終身伴侶就同大家講。」
問到對方如何求婚，Jessica謂男友聯同經理人呃自己，她說︰「喺泰國求婚，佢請咗經理人呃我，話嗰邊有工作，我入酒店見佢準備咗成屋氣球同玫瑰花，我都好感動，有眼濕濕。因為我男朋友幾搞笑，我冇諗到佢咁細心，會安排咁浪漫求婚，因為我一直都以為佢唔會求婚，所以我都幾驚喜。」
立即更新/下載AM730手機APP 體驗升級功能
