「無悔三兄弟」入行後首度同框演出。
MIRROR成員楊樂文(Lokma)首次推出單曲《如果電話亭》，既然是處女作，Lokman也份外重視這次機會，除了邀來《手捲煙》導演陳健朗執導MV，「無悔三兄弟」王智德(AltoN)及何啟華Dee與一班跳舞好友，都有客串演出，陣容鼎盛。
Lokman的歌曲以多啦A夢的法寶來提醒自己與樂迷，做人有時可以不用太認真，可以閒來胡思亂想一番，不用太有條理，讓自己放鬆一下。因應這個主題，Lokman找來陳健朗導演執導MV，二人傾談構思之下，想出了以Long Take拍攝的一個故事。
楊樂文首次推出單曲《如果電話亭》，找來一班跳舞好友都有客串演出。
陳健朗這次答應執導，全因他一直都很欣賞Lokman，他說：「由《狂舞派》時已經好喜歡Lokman，一直都想合作，但我一年只拍一個MV，而今年嘅Quota就俾咗佢。」而導演也特別用心，Long Take拍攝就是由他提出，結果由籌備到製作，用上很長時間。
重情義的Lokman特別邀請了很多朋友參與演出，當中包括「無悔三兄弟」王智德Alton及何啟華Dee，另外還有跳舞圈的好友，他說：「因為MV最初構思嘅故事，係想同呢班朋友一齊去歷險，但後來同導演傾完，就出現而家呢個，流動多啲，交流多啲嘅故事。」今次是Lokman、Alton及Dee首度同框演出，Lokman表示：「作為我第一個MV，可以將我兩個最重要嘅兄弟都加入埋，佢哋又好快答應，實在非常高興。」
《手捲煙》導演陳健朗執導MV。
三人同框，相信粉絲們極期待他們一同跳舞，比試舞技，不過今次只有簡單的身體擺動，Dee笑言：「我同Alton唔強Lokman所難，佢跳到咁樣喎，去到我哋嗰Part，仲唔要再勁啲？好辛苦㗎！」不過Lokman解釋道：「其實都算係一個鋪排，如果一嘢就耍晒如來神掌、降龍十八掌出嚟，咁之後大家睇咩呢？所以留多啲招數，往後先用。」至於Alton，他覺得即使沒有跳舞，仍可讓大家有所期待，他說：「以往我哋三個一出嚟，大家就覺得我哋係會跳舞，但唔跳舞都可以有唔同火花，好似今次MV長鏡頭拍攝，都做到好多火花出嚟，雖然觀眾最終只睇到其中一次火花。」Lokman聽罷，即提議道：「可能問Crew拎返晒啲Playback，重覆剪同一幕，可能呢個就係另一條BTS，可以俾大家慢慢欣賞！」
Alton、Lokman、阿Dee一齊同框演出。
Lokman在末段又要吊威吔，在空中打筋斗，但講到最困難的部份，卻令人意想不到，他說：「我自己都估唔到，係上咗去透明舞台同兩位兄弟一齊跳舞，然後瞓喺度，航拍機喺我上面經過。呢個Moment係最辛苦，因為已經跳到濕晒、好攰，同好多汗，但航拍機嗰四把強烈風扇係咁吹住我哋，實在好攰又好凍，仲要唔知佢幾時走，實在好辛苦，吊威吔都冇咁辛苦。」
amJetso 送BIODERMA救星小紅瓶🩷護膚恩物 立即按此參加👇
