Loong 9團名被阮民安評「肯定俾人笑一世」爆曾志偉改E-Kids團名更癲？
《亞洲超星團》決賽完結，當晚曾志偉宣布9名成績最好練習生組成男團正式出道，團名叫LOONG 9（9字以英文讀出），象徵呢隊男團喺龍年一飛沖天。LOONG 9（成員包括奧利、李權哲、冼靖峰、江信熹、梁詩煜、白子奕、文佐匡、黃奕斌及陳梁。LOONG 9（這名稱一出迅即引起討論，唔少人覺得個名令人摸不著頭腦，亦有網民笑指用廣東話讀出個團名不順口，加上個LOONG字廣東話讀音似「燶」，疑有窮到燶的意思。
阮民安︰E-Kids原名叫A4
曾經為男團E-Kids成員的阮民安Tommy，於LOONG 9面世出道之後出千字文，同樣對LOONG 9這隊名不敢苟同，仲話「我不意外」、「但呢班𡃁仔就慘啲喇，個名肯定俾人笑一世」。當年E-Kids係由曾志偉同譚詠麟開設的Stareast發掘出道，Tommy自爆E-Kids出道前原本有另一個團名，都係由曾志偉改叫A4，難怪Tommy話唔意外！阮民安話當時佢聽到個名，忍唔住爆咗句「A4？紙嚟㗎？」，令曾志偉一度黑面散會。後來Tommy話堅持之下先至有E-Kids「比較易接受啲嘅名出道」。
原文刊登於 Yahoo 娛樂圈
amJetso 送BIODERMA救星小紅瓶🩷護膚恩物 立即按此參加👇
