MC張天賦罕有露地臂。
《This is MC》數碼碟早於 1 月推出，距今約兩個月，熱度依然未減退，連續7個星期在音樂串流平台，雄據專輯榜冠軍位置，新專輯全部十首歌都打入年度累積榜。
MC 在專輯中做了很多新嘗試，無論題材、曲風、形象等，所涉獵的都比第一張專輯更為廣闊，務求不斷為聽眾帶來新的刺激和感受，專輯裡有多達 7 個造型，MC 更罕有露出手臂，「有打機嘅我、彈結他嘅我、著背心嘅我、著西裝嘅我⋯⋯我覺得咁多個加埋一齊先至係一個完整。」
出道第三年，已經開了3場爆滿的紅館騷，出了兩張專輯，攞咗叱咤男歌手銅獎，對於MC 嚟講，係咪已經完成咗佢嘅 bucket list(夢想清單)？「未係嘅……希望將來可以有一首完全由自己寫嘅曲或者詞，或者係嘗試寫歌比其他人」實行往唱作人方向進發。
