MC張天賦與洪嘉豪昨晚(11日)為「藝術舞台ARTSTAGE」擔任第四場表演嘉賓，兩人完騷時更與粉絲大合照。兩人受訪時直言今次不夠喉，公布將於9月再次合體，踩上九展舉行演唱會，問到二人屆時會有甚麼特別演出時，洪嘉豪笑言：「我有華納舞王之稱，到時跳舞都可以嘅。」至於會否與好兄弟MC在台上鬥舞？MC即耍手擰頭，他表示一個人跳都未搞掂，雙人舞就更難。他又透露，將於6月底推出新歌：「另外我同嘉豪都會有首演唱會主題曲，就會喺8月中出嘅。」
洪嘉豪自彈自唱
演唱會由洪嘉豪自彈自唱《24/7戀人》掀序幕，其後他再彈唱《活人鏢靶》和《逆時車站》，接著他介紹MC出場，「大家都知我同MC有首合唱歌《聖誕很忙》，但係一直都未有機會唱俾大家聽……」fans即時歡呼起哄，他卻鬼馬表示：「哎呀，覺得有啲對唔住大家，今晚大家都唔會聽到呢首歌嘅，但遲啲會有機會。今晚天雨路滑，大家小心地滑呀。」
感激粉絲冒雨等開騷
MC首先唱出《反對無效》，他笑言跟洪嘉豪和在座觀眾都「水火不容」，他解釋：「因為下晝咁大雨大家都喺度等，咁極端嘅天氣都等，所以大家對我哋嘅愛都係唔會溶㗎！」其後他再唱出《Boyfriend material》及《時候不早》，並表示心情相當緊張，「我頭先喺後台緊張到手震，其實我隻手依家都仲震緊。」他又感激樂迷一直支持自己，令他由餐廳的小舞台，走到今日這個戶外場地，並為眾人送上最後一首歌《記憶棉》。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
