2022-03-04 12:57:45

Regen 回復陰性長文分享感受：壓力同精神緊張先最折磨

前HotCha成員張惠雅（Regen）於上月22日在社交網貼出快速測試呈陽性的照片，宣布自確診，經過多日的休息，Regen除貼出回復陰性結果的相片外，亦有分享在家中怎樣盡力避免家人受感染。昨日她在社交網再以長文分享這段日子的感受，並坦言︰「隔離嗰種壓力同精神緊張先最折磨。」

Regen表示已經是第3日negative，成個人放鬆咗好多，加上跟家人用共用廁所，所以令她精神超級緊張：「夜晚瞓覺聽到屋企人有一兩聲咳會好緊張好驚，喺屋企頭兩日用廁所每次消毒都唔敢鬆懈」，她再續指：「因為怕成日去廁所，頭兩日都唔敢飲太多水，但係病又唔可以唔飲水」沖涼更因沒有吃足夠食物及好焗，差點暈低，並坦言︰「個病真係唔係最辛苦，隔離嗰種壓力同精神緊張先最折磨，終於過啦。」

Regen更呼籲大家出門要做好防疫，她寫道︰「大家記得出門做好防疫，呢個雖然好多人都係好似感冒咁，但係感冒都唔想有機會中，都係病嚟，我之前防疫做得唔夠好，雖然有噴消毒，隨身都帶住，但係後期疫情唔嚴重未去第五波，我已經少咗好多噴消毒，但係洗手一定唔夠20秒。」最後她又向正在隔離的人打氣。