TVB記者陳尚萱
TVB女記者向來有唔少網民留意，去年加入TVB做實習記者嘅陳尚萱Celine Chan，今年大學畢業「轉正」成為全職記者，更因為英文流利而獲安排同時為明珠台採訪。
明珠台新聞罕有出現廣東話
陳尚萱早前中秋節負責直播講述維園情況，到佢為明珠台報道時，當主播Timothy Li交代由陳尚萱報導時，畫面影住陳尚萱望住手機，未有為意直播已經開始。
現場工作人員於是提醒陳尚萱「喂！講啦！講啦！」，Celine先至如夢初醒，仲用廣東話爆咗句「咩呀…吓？到我呀？」，連主播Timothy Li都用廣東話提場「Celine講。Celine講。開始呀」，令到明珠台嘅英語新聞罕有出現用廣東話。不過陳尚萱好快就「轉channel」以英文作報導。
摩羯襲港吹到披頭散髮
陳尚萱之前都出現過「直播事故」。月初颱風「摩羯」襲港，Celine被安排到紅磡碼頭採訪，不過直播時橫風橫雨，吹到佢披頭散髮兼面容扭曲，最慘係成個過程出晒街，仲要被網民cap圖！
出鏡時不時展露燦爛笑容嘅陳尚萱，被網民封佢做「四萬萱」。原來Celine自細已經成績優異，中學就讀拔萃女書院，畢業後升讀港大新聞學系。
原文刊登於 Yahoo 娛樂圈
🎁 amJetso請你睇《焚城》，快Ｄ開APP玩👇 👇
