林子善在《一個好人》入面接觸不少動人故事。
由江美儀和林子善主持的《一個好人》，由今日(18日)起逢周一至三晚10點半翡翠台播映，二人深入了解來自不同階層、背景的好人好事，體驗箇中可貴之處，同時帶出社會上一些被忽略的人和事。節目同時請來「音樂情人」鄭子誠作聲音導航。
江美儀走進社區尋找好人好事。
首集，子善分別拜訪了義務幫流浪動物執屍的文哥，和年僅14歲便組織義工團的潘浠淳。貨車司機文哥幫助往生動物有尊嚴地走到彩虹橋已有5、6年，當中除付出不少心力和時間，火化動物費用亦不便宜，文哥更因此欠下十多萬債務。
節目中，子善跟隨着文哥為貓咪屍體善後，子善事前坦言有啲驚，並說：「如果有咩暈低，文哥你唔使理我。」由於貓咪屍體處於陡峭的山坡，子善行走時不慎絆到腳差點仆倒，幸好最終有驚無險完成工作，之後子善再跟文哥將流浪狗屍體送往火化作最後道別。雖然文哥處理屍體時看似輕描淡寫，但其實只是努力壓抑傷痛，直到撳掣火化後才落下男兒淚，同樣感性的子善亦坦言撳掣一刻感覺可惜又感觸。
林子善跟隨浠淳妹妹送物資。
林子善自愧不如14歲小義工
之後子善會合14歲的浠淳到深水埗「洗樓」向劏房人士派發物資，雖然抽到一袋二袋，但浠淳不單沒有呻攰，更堅持逐家逐戶拍門送物資，非常有愛心，子善見狀不禁嗌慚愧：「一個14歲小朋友，有咁大勇氣同愛心，我呢個Uncle仲成日話自己充滿愛同正能量，佢嘅層次好高。」
林子善跟隨浠淳妹妹送物資。
後晚(19日)播出的第二集，子善分別拜訪了義務幫助無家者的江浩文(文仔)和充滿愛的寄養家庭龔家。曾經都是無家者的文仔，因為經歷過所以特別有深刻感受，談到一直致力服務無家者，文仔說：「我成日都話唔想放棄佢哋，如果我放棄咗呢班無家者，就好似放棄咗當年嘅自己咁，我當佢哋係屋企人，幫得幾多得幾多！」與文仔相處過後，子善感觸地說：「香港愈嚟愈多無家者，希望善心人幫助佢哋之餘，都要多啲關心佢哋，大家都出一份力就可以積少成多。」
子善跟文仔去探訪無家者。
子善走訪寄養家庭龔家，龔家由2011年開始接待第一個BB，去到2024年已經照顧了合共32個可愛小寶寶。龔家女主人龔黃螢敏(Linda)曾經患了一場大病，走過鬼門關後、Linda深悟活在當下的道理：「我都唔知自己仲有幾多日子，醫生冇講過我已經好番，唔會畀我停打標靶藥，如果咁樣，我不如用自己能力去做開心嘅事。」
之後Linda一家便做了寄養家庭，收養了多位欠缺愛的小生命，生活從此亦變得不一樣，她說：「當時接待第一個小朋友，正能量、愛心同歡笑係充斥咗成個屋企，係BB令到我哋龔家走出哀傷。」身為一女之父的子善見狀亦相當感觸，眼濕濕說：「自從我個女出世之後，佢將我嘅眼光爆開咗，佢哋唔係一個貨物，佢係一個生命，點可以生咗佢出嚟，咁唔負責就抌低佢，喺我字典係唔容許。」
Linda得過重病走過鬼門關，之後她學識活在當下，做自己開心的事。
amFUN聖誕狂賞🎁狂送UNICO迷你遊戲機、主題公園門票、Panasonic鏡燈👉
