倪晨曦與湯洛雯二人樣貌相似，昨日卻以「孖公仔」形象，出席手袋品牌活動，她們均表示十分很開心，不介意被指撞樣，更希望可以多些同場出席活動，顧一早夾定衣著及髮型，務求令「孖公仔」更深入民心，日後可以有更多的合作。
倪晨曦稱，自己真的有一位孖生妹妹，她說：「報道我有一位孖妹，出街後即刻有好多人關注我妹妹IG，不過我妹妹無意入行，因為佢比我仲斯文同文靜，而且已有兩個小朋友。」
湯洛雯指，在馬爾代夫的三點式已是「大解放」，之後去北海道拍節目，就算要浸溫泉也不會再如此性感。
湯洛雯跪求妹妹合作拍廣告
湯洛雯稱，有一位比自己年輕9年的妹妹，她說：「由於妹妹衣著打扮得好性感，所以好多時都俾男同事詢問，幾時帶妹妹出嚟見人。」她透露早前和妹妹一起拍了一個廣告，更自爆幾乎要向妹妹下跪，妹妹才肯接拍，她笑說：「我話俾晒全部酬勞佢，妹妹先肯拍攝，最後當然走數啦，不過有送禮物俾佢，同埋上次去馬爾代夫旅行，都係我請佢去，佢都係時候孝敬返我啦。」
倪晨曦笑言看過湯洛雯的泳衣相，覺得非常性感。
🎁 amJetso請你睇《焚城》，快Ｄ開APP玩👇 👇
