下個月準備再卸貨的倪晨曦，依然密密接job搵奶粉錢。
已為兩子之母倪晨曦（Elva）一直都係各大品牌的寵兒，家庭與工作兼顧有道，下個月準備再卸貨的她，依然密密接job搵奶粉錢。根據admongo機構統計，倪晨曦成為2024首季香港收入最高的KOL！
身懷六甲 仍然靈活
近日，Elva為健康營養產品拍攝全新一輯廣告，廣告中她與一位小朋友合作做瑜伽動作，即使身懷六甲的她仍然非常靈活，那些瑜伽動作都難不到她，不枉網民對她最好奇的問題是如何生bb後依然保持美麗和完美身材，Elva自嘲：「其實唔係！靠化妝，髮型都好重要，我試過喺屋企湊B，去廁所照鏡都會俾自己嚇親，心諗：吓！呢個邊個嚟架！」
提到未來的動向發展，Elva表示自己的YouTube 頻道有一個重大的項目，她說：「年頭同一個本地慈善機構 ，一齊完成佢哋嘅夢想，因為自己生咗bb，所以對小朋友嘅健康有更多關注，所以今次呢個project我好有心機想做好，希望可以引起更多人對呢個群組嘅關注。」
🎁 amJetso請你睇《焚城》，快Ｄ開APP玩👇 👇
