2017-01-04 06:00:00

不為自己設標準學友拒評王菲走音

張學友23場《A Classic Tour學友．經典世界巡迴演唱會》香港站，前晚於紅館圓滿落幕，每場保持高水準的學友指，太太羅美薇和女兒有捧場。對於歌手王菲於上海開騷時甩咀又走音，學友非常厚道地表示不會評論，亦不會拿對方作比較。

學友對香港站的演出特別重視，外界又給予高度評價，指他唱出高水準，把本地演唱會標準拉高，他說：「我自己就唔會設咩標準，(王菲上海個唱被指走音？)唔可以咁講，大家表演方式唔同，我唔會同人比較，只會同自己比較。」學友又稱，不知道要多久才可以回來開個唱，很不捨得，「今次唱爛喉嚨都要唱，希望大家帶著愉快同滿足心情離開，今晚我會盡全力！」
最開心

老婆囡囡捧場
學友全晚落力演出，又唱又跳，以無懈可擊的唱功帶動全場氣氛，學友直言：「今次演唱會唔似以往咁辛苦，而且滿足感好大，我心態係既然可以再做演唱會嘅話，會盡力做，覺得今次自己進步咗。」過萬現場觀眾，跟著學友的歌聲尖叫與大合唱，學友亦開心說：「太太羅美薇、兩個囡囡都有嚟欣賞兩至三場，佢哋仲俾咗好高分數嘅評價。」學友透露休息數天後，便起行繼續巡演，預計農曆新年前才有假期回港。