古淖文(右)、冼靖峰合唱《祝君好》，歌聲優美。
《中年好聲音2》大熱的古淖文，找來冼靖峰(Archie)幫唱，同樣演出亮眼，兩位型男深情演唱《祝君好》，大晒柔情歌聱，最終獲得91分，肥媽大讚：「淖文啲撈味冇晒，Feel到你嘅真心。」陳慧嫻說：「合作得好好，但又未到天衣無縫，A-啦！」
伍仲衡大讚Archie進步不少：「《聲夢》嗰時係唱得好，但你今日係多咗份感動。」張佳添則說：「Archie幫到淖文好多，感覺唔係兩個男仔談戀愛，而係兩個男仔談論緊戀愛，然後大家攬住喺度喊，感覺好正。」
陳慧嫻讚古淖文歌唱技巧未去到天衣無縫，但都有A-。
喊住離開舞台
兩位甜姐兒林若盈、趙小婷合唱《一加一》，惟兩人揀錯歌未能感動評審，陳慧嫻直言：「你哋今晚好似唱遊咁，冇咗一山比一山高嘅感覺，聽完好似冇咩聽到咁。」最終只獲得80分的林若盈在累積排名榜包尾，止步10強，出名喊包的若盈說：「我好想講，我每次喺台上流嘅都係幸福嘅眼淚，入到10強我覺得好感恩，亦都好開心可以參加呢個比賽。多謝五位評審老師令我好想繼續進步，可以好開心咁唱歌，多謝媽咪每次都煲定好多嘢俾我飲，同埋要多謝Mable(曹敏寶)，因為係佢迫我參加呢個比賽！」
林若盈(左)、趙小婷合唱《一加一》，可惜10強止步。
林若盈台上喊住多謝曹敏寶。
古淖文愈來愈有冠軍相。
和記行集團70周年聖誕送7大厚禮🎁 冷氣機 |風扇 |車用揚聲器 立即帶返屋企👉
